Diario de nouna sam, 28 sep. 19

الزيتون مش مفضل في الدايت المتوازن لإنه دهون واملاح ممكن نستغل نسبة الدهون المسموحة في عمل صوص بسيط للمكرونه ونبدل الزيتون بالخضار السوتيه او السلطة 👍👍👍 

انا ماشيه بنظام لزياده الكتله العضليه باخد ٣۰% دهون و ٣٥% كربوهيدرات و ٣٥% بروتين 

بس انتى بتحاولي تخسي !!.. يبقى بتزودي كتله عضليه بهدف تعلي الحرق مثلا ؟ ويا ريت تقوليلي متابعه البرنامج ده مع كابتن جيم ولا مع دكتور ولا مين ؟ 

الكتله العضليه بتزود الحرق . انا هدفي انزل دهون ل ١٨% و ازود عضلات حتي لو كان الميزان بينزل بسيط بسبب زياده العضل بس ده افضل . و الجسم بيبقي صحي اكتر . الكيتو للاسف بيحرق دهون صحيح بس كمان بيحرق عضل لان العضل علشان نحافظ عليه لازم كربوهيدرات بكميه كويسه . الجسم بعد الكيتو هيخس صحيح بس هيبقي ضعيف و مترهل و لو وقفنا كيتو هنزيد بسرعه لسبب بسيط و هو ان مفيش عضل كفايه يحرق . البرنامج انا عملاه لنفسي لاني بيولوجيست و درست نيوتريشن 

الكيتو مبينزلس الكتله العضليه الا لو انت مش بتاخدي كمية البروتين بتاعتك مظبوطه  

حد يساعدني والنبي عاوزة اخس  

العضل بيتكون عن طريق الكربوهيدرات و البروتيه و الكيتو مفيش فيه كربوهيدرات كفايه 

للأسف معلوماتك عن الكيتو كلها غلط لأنك قريتي عنه كنوع من التريند .. وما اقتنعتيش بيه ازاي اخسر كتلة عضليه وانا باخد بروتين كفايه في اكلي ؟ اذا كان في ابطال كمال اجسام بيعملوا كتلة عضليه وهما فيجن ... مش بياخدو اي بروتين حيواني لكن الكيتو بتاخدي بروتين لجسمك كافي ثانيا ازاي لما بخس مع الكيتو جسمي يبقى مترهل و ضعيف يعني لما جسمي يمشي على مصدر انضف للطاقه يبقى ضعيف ؟! انا عمري ما كملت في الجيم ساعتين مثلا في حياتي مع الكيتو والحمد لله بعدي ال٣ساعات بدون تعب او ارهاق مع العلم اني بزيد عضلات وبلعب حديد وتمارين مقاومه والمفروض مع وزني ده ابقى مش قادره اتحرك من مكاني .. لكن مع الكيتو فعلا حاسه بفرق في الطاقة والنشاط ده غير شكلي اللي ما يديش وزني ده خالص 😁😁 وبالنسبة لو بطلته هزيد بسرعه حضرتك انا عملت دايت كتييير وجربت كل الانواع 😂😂😂 المتوازن والكيميائي و اتكنز والصيام واللقيمات وقرطاي كله وللأسف كل الانظمه مهما اختلفت لو سبتيها ورجعتي تاكلي زي الاول هتتخني .. تخنتي بسرعه تخنتي بالراحه في الآخر هتلاقي نتيجة لخبطة الاكل زيادة في الوزن 😩😩😩😩😩  

عموما كل واحد بيختار لنفسه النظام اللي مناسب ليه ... ولظروفه ولحالته الصحية و الماديه يعني انا اختارت الكيتو.. في معانا نادين صيام متقطع وفي محمد نظام متوازن .. كله بيستفاد ويشجع بعضه 👍👍 وانا لما سألتك كنت عايزه اعرف النظام بتاعك ايه ؟ كنوع من الفضول للمعرفه مش اكتر عموما ربنا يوفقك وتوصلي لهدفك اللي تتمنيه 🤲🤲 

بسمه يا قلبي انتي دائماً بتحبي اتساعدي واتفيدي الناس بالمعلومات إلي عندك وهاد في ميزان حسناتك إن شاء الله 👍🏻 😘 

ربنا يبارك فيكي يا نادين ⁦⁦❤️⁩⁦❤️⁩ كلنا بنستفيد من بعض يا قلبي 🥰 .. مافيش نظام صح ونظام غلط لإن الانظمة مهما اختلفت كلها ليها قصص نجاح و قصص فشل المهم نقدر نختار النظام المناسب ونستمررررررررر عليه 💪💪