Diario de Asmaa_yosri, 02 sep. 24

هاي هاي وحشتوني 💙
كنت مطحونه شغل الفترة دي وداخله ف نوبة اكتئاب مخلية كل حاجه صعبه عليا
المهم هحاول ارجع انظم الدنيا شوية، انا بشتغل حوالي ٦٦ ساعة ف الاسبوع بشكل متصل من غير اي راحه او رجوع للبيت
اصلا بيتي بعيد عن المستشفى ف محافظة تالتة خالص بضطر أسافر عشان كده بجمع أيام الشغل ورا بعض
النتيجة اني بروح هلكانه مافيش صحه لأي حاجه خالص
غير اني ببذل مجهود كبير اوي ف الشغل مع قلة النوم وانه مافيش تلاجه حتى اخد اكل احطه فيها ف ساعات بضطر اطلب من بره او اجيب اي حاجه من السوبرماركت
حقيقي مافيش اي وقت لأي حاجه، عندي امتحانات ماستر قريب وعندي حاجه تانيه كبيره مستقبلي كده واقف عليها ومضطرة اذاكر ف وسط كل ده كم كبير بشكل يومي ومنتظم
اول امبارح وقعت من ع السلم جت سليمة صباعي بس ال اتكسر الحمد لله 😹
محتاجه اخلي بالي من صحتي والمكان هنا وانتو بساعدوني ف ده 💙
هحاول اعمل تراكر يومي هنا لل ٣ شهور الجايين وربنا يسهل 💙